Vaaleykum salam va rahmatullah!

Təbii ki, bu haqda çoxsaylı hədis mövcuddur. Ümumiyyətlə, Peyğəmbərin namazda əllərini açdığına dair heç bir şey rəvayət olunmamışdır. Buna dair sünnətdə – hədislərdə heç bir şey yoxdur. Ondan  bunun tam əksi nəql olunmuşdur. Vail ibn Hucr (radıyallahu anhu) Peyğəmbərin  (sallallahu aleyhi və səlləm) namazını vəsf edərkən demişdir: “Allah rəsulunu sağ əlini sol əli üzərində, əllərini sinəsinə qoyarkən gördüm” (İbn Xuzeymə, 479, Beyhəqi, 2336.)

Həmçinin Səhl ibn Sədin (Allah ondan razı olsun) rəvayətində belə deyilir: “İnsanlara namazda sağ əli sol qolun üzərinə qoymaq əmr edilirdi”.(Buxari: 740, Muvatta: 291 və ya 426).