Vaaleykum salam va rahmatullah!

Xeyr, yatsı (işa) namazından əvvəl ratibə (yəni, fərzə bağlı sünnət) namazı yoxdur. Lakin istəyən kəs azan ilə iqamə arası iki rükət namaz qıla bilər. Çünki Allah rəsulu (sallallahu aleyhi və səlləm) demişdir: "Azan ilə iqamə arası namaz qılına bilər" (Buxari, 627 və Müslim, 838). Həmçinin, ümumiyyətlə Məğrib namazı ilə Yatsı (işa) namazı arasında istənilən sayda namaz qılmaq olar. Ənəs ibn Malik demişdir: "Allah rəsulu məğrib ilə yatsı (işa) arası namaz qılardı" (Beyhəqi, 4752).