Vaaleykum salam

1. Əslində Məğrib namazının vaxtı İşa namazına qədərdir. Lakin hal-hazırda əlimizdə olan təqvimlərdə İşa namazının vaxtı bir az gec göstərilir. Bu səbəbdən ehtiyat baxımından Məğrib namazını gecikdirməmək lazımdır.

2. Vitr namazı, əslində, elə gecə namazıdır. Gecə namazına qalxdıqda onu tək rükətli (3, 5, 7 və s.) qılsan, deməli, həm Vitri, həm də gecə namazını qılmış olursan. Daha doğrusu, gecə namazını vitr, yəni tək rükət olaraq qılmış sayılırsan.

3.Vitr namazının vaxtı İşa namazından Sübh namazına qədərdir.

4. Ümumiyyətlə dəstəmaz pozulmadığı təqdirdə bir dəstəmazla istənilən sayda namaz qılmaq olar. Lakin namazları gecikdirməyə gəldikdə isə, ən yaxşısı namazları ilk vaxtında qılmaqdır, xüsusən də Məğrib namazını. 

5.Səsli namazlarda, əsasən, surələr və təkbirlər səsli oxunur.