Vaaleykum salam va rahmatullah va barakatuh

Qeyd etdiyiniz hədis imam Buxarinin "Səhih" əsərində və digər hədis kitablarında mövcuddur. Lakin hədisin mətni qeyd etdiyiniz kimi deyildir. Hədisdə nə konsert verməkdən, nə də ki, Peyğəmbərin (Allahın ona və ailəsin salam-duası olsun!) Aişə anamızı boynuna mindirməsindən bəhs edilmir. Bütün bunlar yalan və cəfəngiyatdır.

Hədisin əsli belədir: Deməli, qeyd edilir ki, Peyğəmbər çöldə ayaqlarını yerə vuraraq (milli) rəqs edən Həbəşilərin səsini eşidir və Aişə anamızı baxması üçün yanına çağırır. Aişə anamız da gələrək Peyğəmbərin arxasında duraraq çənəsini Peyğəmbərin çiyninə qoyur və bu formada baxır.

Aişə anamızın sözünü hədisdə qeyd olunduğu kimi original formasında qeyd edirəm:

فجئت، فوضعت، ذَقَني على منكب رسول اللَّه - صلى اللَّه عليه وسلم -، فجعلت، أنظر إليها ما بين المنكب إلى رأسه

"Gəldim və çənəmi Peyğəmbərin çiyninə qoydum və beləcə onun başı ilə çiyni arasından baxmağa başladım".

Son olaraq: Sizə və əmsalınızda olan bütün qardaşlarımıza Allahdan qorxmağı, ədalətli olmağı, yalandan və yalan danışan, buna vərdiş edən kəslərdən uzaq durmağınızı tövsiyə edirəm.

Hörmətlə! Sizin üçün xeyir və hidayət arzu edən qardaşınız...